5 މަކްތަބާ ސަލަފިއްޔާގެ ދަޢުވަތަކަށް ޔޫކޭގެ މަޝްޙޫރު ދާޢީ (أبو خديجة عبدالواحد) އަބޫ ޚަދީޖާ ޢަބްދުލް ވާޙިދު حفظه الله ރާއްޖެ ވަޑައިގެންފި - Maktaba Salafiyyah Maldives - Connecting you to the Major Scholars of the Ummah

މަކްތަބާ ސަލަފިއްޔާގެ ދަޢުވަތަކަށް ޔޫކޭގެ މަޝްޙޫރު ދާޢީ (أبو خديجة عبدالواحد) އަބޫ ޚަދީޖާ ޢަބްދުލް ވާޙިދު حفظه الله ރާއްޖެ ވަޑައިގެންފި

ލިޔެ ތައްޔާރުކުރީ: المَكْتَبَة السَّلَفِيَّة المَالدِيْفِيَّة. ކެޓަގަރީ ޚަބަރު

ދިވެހިރާއްޖޭގެ މަކްތަބާ ސަލަފިއްޔާގެ ދަޢުވަތަކަށް ޔޫކޭގެ ސަލަފީ ޕަބްލިކޭޝަން (المكتبة السلفية) ގެ މަޝްޙޫރު ސަލަފީ ދާޢީ އަބޫ ޚަދީޖާ ޢަބްދުލް ވާޙިދު (أبو خديجة عبدالواحد) حَفِظَهُ الله ރާއްޖެ ވަޑައިގެންފިއެވެ. އަބޫ ޚަދީޖާ ޢަބްދުލް ވާޙިދު حَفِظَهُ الله ރާއްޖެ ވަޑައިގަތީ މިއަދު (29 ޑިސެންބަރ 2016) ވަގުތެއްގަ އެވެ.

 

29 ޑިސެންބަރ 2016 އިން 5 ޖެނުއަރީ 2017 އަށް މާލޭގައި ދީނީ އެކި މައުޟޫތަކަށް އަބޫ ޚަދީޖާ ޢަބްދުލް ވާޙިދު حَفِظَهُ الله ދަރުސް ދެއްވުމަށް ވަނީ ހަމަޖެހިފައެވެ. ދަރުސް ދިނުމަށް ހަމަޖެހިފައިވާ މައުޟޫ ތަކުގެ ތެރޭގައި "ކައުންޓަރ ޓެރަރިޒަމް އަދި އެކްސްޓްރީމިޒަމް" ހިމެނެއެވެ. ދަރުސްތައް ބޭއްވުމަށް ހަމަ ޖެހިފައިވާ ތަންތަނުގެ މަޢުލޫމާތު މަކްތަބާ ސަލަފިއްޔާގެ ސޯޝަލް މީޑިއާ ނެޓްވޯކު (ޓުވިޓާ SalafiMV@، ޓެލެގުރާމް، ވައިބާރ، ފޭސްބުކް SalafeeMV@) މެދުވެރިކޮށް إن شاء الله ފޯރުކޮށް ދެމުން ދާނެއެވެ.

 

އަބޫ ޚަދީޖާ ޢަބްދުލް ވާޙިދު (أبو خديجة عبدالواحد) حَفِظَهُ الله އަކީ އިނގިރޭސިވިލާތުގެ ސީ.ޓީ.ޔޫ (ކައުންޓަރ ޓެރަރިޒަމް ޔުނިޓް) ގެ ބޭފުޅުންނާއެކު މަސައްކަތް ކުރަވާ ކައުންޓަރ ޓެރަރިޒަމް ސްޕެޝަލިސްޓެކެވެ. އެބޭފުޅާގެ އެކިއެކި ދަރުސްތަކުގައި އިނގިރޭސިވިލާތުގެ އަދި އެނޫން ހިސާބުތަކުގައި ހަރަކާތްތެރިވާ ރެޑިކަލް، އިސްލާމިސްޓު، އިރުހާބީ، ޓެރަރިސްޓު، ޖިހާދީ ފިކުރުތަކާއި އެފިކުރުގެ އަހުލުވެރިންގެ ހަޤީޤަތް ކަޝްފުކުރެއްވުމުގެ ސަބަބުން، "ހަރުކަށި" "ރެޑިކަލް" "ހައްދުފަހަނައަޅާފައިވާ" "ތަކްފީރީ އިންޤިލާބީ ފިކުރު" މުސްލިމުން އެބޭފުޅާއަށް ކިތަންމެ ނަފްރަތު ކުރި ކަމުގައިވީ ނަމަވެސް  އެއީ އިސްލާމްދީނުގެ ވަޞަތިއްޔަތަށް ލޯބިކުރާ ގިނަބައެއްގެ ލޯތްބާއި އިޙްތިރާމް ލިބިފައިވާ ބޭފުޅެކެވެ.

 

އަލް-އަޚް އަބޫ ޚަދީޖާ ޢަބްދުލް ވާޙިދު حفظه الله ކިޔަވާ ވިދާޅުވި ޢިލްމުވެރިންގެ ތެރެއިން هيئة كبار العلماء السعوديةގެ ޢިލްމުވެރިއެއްކަމަށްވާ فضيلة الشَّيْخُ عبد الله بن عبد الرحمن الغديان رحمه الله ހިމެނެވެ. އަދި މަދީނާ ޔުނިވާސިޓީގެ ކުރީގެ ޕްރޮފެސަރ فضيلة الشَّيْخُ العلامة عُبَيْدُ الجَابِرِيْ حَفِظَهُ الله ގެ އަރިއަހުންވެސް ކިޔަވާ ވިދާޅުވި އެވެ. އަދި މިހާރު މަދީނާ ޔުނިވާސިޓީގައި ކިޔަވައިދެއްވާ ދެ މުދައްރިސުން ކަމުގައިވާ العلامة الشيخُ مُحَمَّدُ بِنْ هَادِيْ المَدْخَلِي حفظه الله އަދި فضيلة الشَّيْخُ عَبْدُ الله البُخَارِيْ حَفِظَهُ الله ވެސް ހިމެނެއެވެ. އަދި މި އެންމެހައި ޢިލްމުވެރިންވަނީ ޢަބޫ ޚަދީޖާ حفظه الله ގެ އަޚްލާޤާއި ސުލޫކާއި ޢިލްމަށް ތަޒްކިޔާ ދެއްވާފައެވެ. فضيلة الشَّيْخُ العلامة عُبَيْدُ الجَابِرِيْ حَفِظَهُ الله ވަނީ އަބޫ ޚަދީޖާ ޢަބްދުލް ވާޙިދު حفظه الله އަކީ ޝެއިޚުގެ "ދަރިވަރެއް" ކަމުގައި ވިދާޅުވެފައެވެ. أبو خديجة عبدالواحد حَفِظَهُ الله އަށް الشَّيْخ العلامة مقبل بن هادي الو ادعي رحمه الله ތަޒްކިޔާ ދެއްވިއެވެ. فضيلة الشَّيْخُ عبد الله بن عبد الرحمن الغديان رحمه الله ވެސް أبو خديجة عبدالواحد حَفِظَهُ الله އަށް ތަޒްކިޔާ ދެއްވިއެވެ. الشَّيْخ العَلَّامَة رَبِيعُ بنُ هَادِي المَدْخَلِي حفظه الله ވެސް أبو خديجة عبدالواحد حَفِظَهُ الله އަށް ތަޒްކިޔާ ދެއްވިއެވެ.

 

އަބޫ ޚަދީޖާ ޢަބްދުލް ވާޙިދު حفظه الله ރާއްޖެއިން ފުރާވަޑައިގަތުމަށް ހަމަޖެހިފައިވަނީ 2017 ޖެނުއަރީ 10 ވަނަ ދުވަހު އެވެ.

20161229-abukhadheeja.jpg

 

ބީބީސީން އަށް އަބޫ ޚަދީޖާ ދެއްވި އިންޓަވިއު

 

 ރައިސް އެން ޝައިން ޗެނަލްއަށް ދިން އިންޓަވިއު

 

ޓެރަރިޒަމްގެ ކެންސަރ

ޚަބަރު: މި ކެޓަގެރީގެ އެހެނިހެން ލިޔުންތައް

ސައުދީ-ޔަމަނުގެ ޢިލްމުވެރިއެއް ކަމުގައިވާ الشيخ الدكتور عرفات بن حسن المحمدي حفظه الله ދިވެހިރާއްޖެ ވަޑައިގެންފި | 09 ޑިސެމްބަރ 2018

 "އިމާމް މުޙައްމަދް ބިން ޢަބްދުލް ވަހާބްގެ ދެވަނަ ދަޥްރާ" ތިނަދޫގައި މި މަހު 18 އިން 21 އަށް ކުރިޔަށްދަނީ | 14 ނޮވެމްބަރ 2017

 އަންނަ ޑިސެންބަރ މަހު އުސްތާޛް އަބޫ އަނަސް އާއި އުސްތާޛް ރިފާދު ޢިލްމީ ދަޥްރާއަކަށް އިންޑިއާ އަށް ވަޑައިގަންނަވަނީ إن شاء الله | 14 ނޮވެމްބަރ 2017

 އަށް ވަނަ ދަޥްރާ ޢިލްމިއްޔާ (އުސްތާޛް އަބޫ އަނަސް حفظه الله އެކީ) - ހދ. ކުޅުދުއްފުށީގައި މި މަހުގެ 9-12 އަށް ކުރިޔަށްދަނީ | 10 ނޮވެމްބަރ 2017

 އިމާމް މުޤްބިލްގެ ދަރިވަރު އައް-ޝެއިޚް ޔާސީން އަލް-ޢަދަނީ رحمه الله އަވަހާރަކޮށްލައިފި | 10 އޮކްޓޯބަރ 2017 | 10 އޮކްޓޯބަރ 2017

 އިސްލާމިކް ކޮންފަރެންސް: "ދަ ސުންނާ އިޒް ލައިކް ދަ އާރކް އޮފް ނޫޙް" ޔޫކޭގެ މަޝްޙޫރު ސަލަފީ ދާޢީ އަބޫ އިދްރީސް މުޙައްމަދު އެކުގައި ފަށައިފި | 23 ޖުލައި 2017

އަލް-މަޝްޢަރު ޙައްޖު ޢުމްރާ އިން ރަމްޟާން މަހުގެ ޢުމްރާ ދަތުރުގެ ފުރުސަތު ހުޅުވާލައިފި | 23 މާރޗް 2017

2017 އިގެ ޢުމްރާ ދަތުރު އަދި ސަޢުދީ ޢިލްމުވެރިންނާއި އެކު މަދީނާގައި ބާއްވާ ދީނީ ކޮންފަރެންސުގައި ބައިވެރިވުމުގެ ފުރުސަތު މަކްތަބާ ސަލަފިއްޔާއިން މިއަހަރުވެސް އާންމުކޮށް ހުޅުވާލައިފި | 14 ޖެނުއަރީ 2017

މަކްތަބާ ސަލަފިއްޔާގެ ދައުވަތަކަށް މަދީނާ ޔުނިވަރސިޓީގެ ޕްރޮފެސަރ ޑރ. ޢަބްދުﷲ ބުޚާރީ ރާއްޖެ ވަޑައިގަންނަވަނީ | 13 މެއި 2016

2016 އިގެ ޢުމްރާ ދަތުރު އަދި ސަޢުދީ ޢިލްމުވެރިންނާއި އެކު ދަޥްރާ ގައި ބައިވެރިވުމުގެ ފުރުސަތު މަކްތަބާ ސަލަފިއްޔާއިން މިއަހަރުވެސް އާންމުކޮށް ހުޅުވާލައިފި | 06 ނޮވެމްބަރ 2015

- ކެޓަގެރީ އެކުއެކީގައި ބެއްލެވުމަށް -

Like what you see?

Close

Hit the buttons below to follow us, you won't regret it...