ޤައުމީ ލަވައެއް، ޤައުމީ ދިދައެއް މަތިވެރިކުރުމުގެ ގޮތުގައި ކޮޅަށް ހުރުމުގެ ޙުކުމް - الإِمَامُ العَلَّامة سَماحة الشَّيخُ عَبْدُ العَزِيز بن بَاز رحمه الله
ސުވާލު: އެއްވެސް ޤައުމީ ލަވައަކަށް އަދި ޤައުމީ ދިދައެއް މަތިވެރި ކުރުމުގެ ގޮތުން އެއަށް ތެދުވުން (ކޮޅަށް ހުރުން) ހުއްދަވާނެ ހެއްޔެވެ؟
ޖަވާބު: އެއްވެސް ޤައުމީ ލަވައަކަށް ނުވަތަ ޤައުމީ ދިދައެއް މަތިވެރި ކުރުމުގެ ގޮތުން، އެއްވެސް މުސްލިމަކަށް ކޮޅަށް ހުރުން ހުއްދައެއް ނުވާނެ އެވެ. އަދި އެއީ ބިދުޢަވެރި މުންކަރާތެއް ކަމުގައި ދަންނަ ހުއްޓެވެ. އެއީ ރަސޫލާ ﷺ ޢަހުދުގައި އަދި އެ ރަސޫލާ ﷺ ގެ ހެޔޮވެގެންވާ ޚަލީފާއިންގެ ޢަޙުދުގައި ނެތް ކަންތައްތަކެވެ. އެއީ އޭނާގެ ތަޥްޙީދު ފުރިހަމަވެ ދިއުމަށް ވާޖިބުވެގެންވާ ކަންތަކާއި އިދިކޮޅު (އެކަން ނަފީ ކުރާ) ކަމެކެވެ. އަދި މަތިވެރިކަން ﷲ އަށް ޚާލިޞްވެ، އެކަލާނގެއީ މަތިވެރިކަމުގައި އެއްކައުވަންތަ ފަރާތެއްގެ ގޮތުގައިވާ ކަން ނަފީކުރުވާ ކަމެކެވެ. އަދި އެއީ ޝިރުކަށް ގެންގޮސްދޭ ވަޞީލަތެއްގެ ގޮތުގައިވާ ކަމެެކެވެ. އަދި މިއީ ކާފަރުންނާއި އެއްގޮތްވެވޭ އަދި އެބައިމީހުންގެ މުޑުދާރުވެގެންވާ ޢާދަކާދަތް ތަކާއި އެއްގޮތްވެވޭ (ތަޝާބުހު) ވެވޭ ކަމެކެވެ.
އަދި މިކަންތައް ކުރެވެނީ ކާފަރުން އެބައިމީހުންގެ ވެރިންތައް މަތިވެރިކުރުމުގެ ގޮތުން ހައްދުފަނައަޅައިފައިވާ ގޮތްތަކުގައި (އަހަރެމެން) އެގޮތުގައި ދެމިތިބުމުގެ ގޮތުންނެވެ. އަދި އެކިއެކި ޙަފްލާތަކުގައި އެބައިމީހުން ކުރަމުންގެންދާ ޙައްދުފަހަނައަޅައިފައިވާ ޢަމަލުތައް ކުރުމުގައި އަހަރެމެން ދެމިތިބުމެވެ.
ހަމަކަށަވަރުން ނަބިއްޔާ ﷺ އެބައިމީހުންނާއި އެއްގޮތްވުން އަދި އެއްގޮތްވުމުގެ ގޮތުން ކަންތައްތައް ކުރުން ނަހީ ކުރެއްވި އެވެ.
وبالله التوفيق. وصلى الله على نبينا محمد، وآله وصحبه وسلم.
ފަތުވާ: ސަޢުދީ ޢަރަބިއްޔާގެ ލަޖުނާ ގެ ފަތުވާ ނަންބަރ : 2123
