5 އިސްލާމިވި ދުވަސް، ކުރިސްމަސް، ޢީދު މީލާދު، ނަޞްރުގެ ދުވަސް، ޝަހީދުންގެ ދުވަސް، ޤައުމީ ދުވަސް ފާހަގަ ކުރުމުގެ ޙުކުމް - الإِمَامُ العَلَّامة ابِنْ العُثَيْمِيْن رَحِمَه الله - Maktaba Salafiyyah Maldives - Connecting you to the Major Scholars of the Ummah

ބިދުޢަވެރި ޚުރާފީ ޢީދުތައް

އިސްލާމިވި ދުވަސް، ކުރިސްމަސް، ޢީދު މީލާދު، ނަޞްރުގެ ދުވަސް، ޝަހީދުންގެ ދުވަސް، ޤައުމީ ދުވަސް ފާހަގަ ކުރުމުގެ ޙުކުމް - الإِمَامُ العَلَّامة ابِنْ العُثَيْمِيْن رَحِمَه الله

ލިޔެ ތައްޔާރުކުރީ: أُسْتَاذ أبو أنس محمد حسن حفظه الله. ކެޓަގަރީ ބިދުޢަވެރި ޚުރާފީ ޢީދުތައް

(މެދުޒިޔާރަތް ކައިރީ މީހަކު އަތް އުފުލައިގެން، ޚުރާފީ ބިދުޢަވެރި ޢަމަލެއް ކުރުމުގައި)

އިޚްވާނުންނޭވެ! އިސްލާމީ ޝަރީޢަތުގައި ޢީދަށް ޢީދު ކިޔުނީ އެއީ ކޮންމެ އަހަރަކު ނުވަތަ ވަކިދުވަހަކަށް ޚާއްޞަކޮށްގެން އެކަމެއް ކުރެވި، އަނެއްކާވެސް އެނބުރި އެދުވަސް އެފަދައިން ފާހަގަ ކުރެވޭތީ އެވެ. އިތުރު މަޢުލޫމާތު ހޯދުމަށް (إقتضاء الصراط المستقيم 1-241) ބައްލަވާށެވެ. މިފަދައިން ފާހަގަކުރެވޭ ކޮންމެ ދުވަހަކީ ޢީދެކެވެ. ޢީދުގައި ދެބާވަތެއް ހިމެނިގެންވެ އެވެ. އެއީ ޝަރުޢީގޮތުން ފާހަގަކުރުން ހުއްދަވެގެންވާ ޢީދު (އަޟްޙާ ޢީދު) އަދި އެދުވަސްތަކަށް ނިސްބަތްކޮށް ފާހަގަނުކުރެވޭނެ (އައު އަހަރު ފަށާ ދުވަސް، އިސްލާމްވި ދުވަސް. ޢީދު މީލާދު، ޤައުމީ ދުވަސް، ޝަހީދުންގެ ދުވަސް، ނަޞްރުގެ ދުވަސް، އުފަން ދުވަސް، މަންމައިންގެ ދުވަސް، ޢީދު މީލާދު،) ފަދަ ދުވަސްތަކެވެ. الإِمَامُ العَلَّامة ابِنْ العُثَيْمِيْن رَحِمَه الله އާއި ސުވާލު ކުރުވެނުވެ.

ސުވާލު: "މިދުވަސްތަކުގައި ފާހަގަ ކުރެވޭ ޢީދުތަކާ މެދުގައި ޝެއިޚްގެ ރައުޔަކީ ކޮބައިތޯ އެވެ. (މިޘާލަކަށް) ޢީދު މީލާދީ، ޤައުމީ ދުވަސްފަދަ (ޢީދު ދުވަސްތައް) ފާހަގަ ކުރުމުގެ ޙުކުމަކީ ކޮބައިތޯ އެވެ؟

ޖަވާބު: "ފަހެ ޢީދު މީލާދު ކަމުގައިވާނަމަ، ހަމަކަށަވަރުން އޭގެ މުރާދަކީ عيسى بن مريم، عليه الصلاة والسلام ގެ ޢީދު މީލާދު ކަމުގައިވެ، ނަޞާރާއިން އެއީ އަޅުކަމެއްގެ ގޮތުގައި ކުރާކަމެއްގެ ގޮތުގައިވެ އެވެ. މިފަދަ ކަމެއް މުސްލިމުން ކުރުމަކީ އެއްވެސް ޝައްކެތްނުވާ ގޮތުގައި ޙަރާމްވެގެންވާ ކަމެކެވެ. އަދި މިއީ އެންމެ ބޮޑުވެގެންވާ ޙަރާމް ކަންތަކުގެ ތެރޭގައި ހިމެނިގެންވާ ކަމެކެވެ. އިންސާނަކު މިފަދަ ދުވަހެއް ފާހަގަ ކުރާކަމުގައިވާނަމަ އޭނާވަނީ ނުހަނު ނުރައްކައުތެރި ޙާލަތެއްގަ އެވެ.


ފަހެ، މިތަނުގައި ޢީދު މީލާދުގެ މާނައަކީ، ކޮންމެ މީހަކު އޭނާގެ އުފަންދުވަސް ފާހަގަ ކުރުން ކަމުގައިވާ ނަމަ، ފަހެ މިކަމުގެ (ޙުކުމަކީ) އެކަންތަކީ މަކްރޫހަ ކަމެއްގެ ގޮތުގައިވުމަށްވުރެ ގާތްކަން ބޮޑީ އެކަމަކީ ޙަރާމްވެގެންވާ ކަމެއްގެ ގޮތުގައިވުމެވެ.

  "ހަމަ އެފަދައިން ޝަރުޢީ ގޮތުން އައިސްފައިނުވާ ޢީދުތައް، އެކި މުނާސަބުތަކުގައި ފާހަގަ ކުރުމަކީ (ޙުކުމަކީ) ޙަރާމްވެގެންވުމެވެ."

ޝަރުޢީގޮތުން މުނާސަބާތް ތަކަށް އައިސްފައިވާ ޢީދުތަކަކީ : ރަމަޟާންމަހުގައި އަންނަ (ކުޑަ ޢީދު)، އަޟުޙާ ޢީދު އަދި ކޮންމެ ހަފުތާކު އަންނަ ހުކުރު ދުވަހެވެ." (ފަތުވާ : مجموع فتاوى ورسائل 16/191)

 

 

"މުސްލިމުން މައްކާ ފަތަޙަކޮށް ކާފަރުންގެ މައްޗަށް ނަޞްރު (ކާމިޔާބު) ލިބުނު ދުވަސް ފާހަގަކުރުން މާ ބޮޑަށް ހެޔޮވެގެންވޭ ނޫންތޯއެެވެ؟ އެހެނަސް، މުސްލިމުންނަށް ނަޞްރު ލިބުނު ދުވަހެއްގެ ގޮތުގައި އެ ދުވަސް ފާހަގަ ނުކުރެވޭ އިރު، މިއަދު ފާހަގަކުރަމުން މި ދަނީ ކޮން ނަޞްރުގެ ދުވަހެއްތޯއެވެ؟ ދުވާލަކު އެއްފަހަރު ނަޞްރުގެ ދުވަސް ފާހަގަކުރިޔަސް، ޤުރުއާނާއި ސުންނަތުގެ މައްޗަށް ހައްޤު ގޮތުގައި ރުޖޫއަ ނުވާ ހިނދަކު، އެބަޔަކު އެތިބީ ކާމިޔާބީ (ނަޞްރު) ގެ މަތީގައެއް ނޫނެވެ. އުންމަތަށް ހަޤީޤީ ކާމިޔާބީއެއް ލިބޭނެ ދުވަހަކީ ޤުރުއާނާއި ސުންނަތް ޞަލަފުން ފަހުމްވި ގޮތުގެ މައްޗަށް ފަޙުމްވެ އޭގެ މައްޗަށް ޢަމަލު ކުރި ދުވަހަކުންނެވެ.
"ހަމަ އެފަދައިން ދުވާލަކު އެއްފަހަރު "ރާއްޖެ އިސްލާމްވި ދުވަހޭ" ކިޔާފައި ދުވަހެއް ފާހަގަ ކުރިޔަސް، ﷲ ގެ ދީނަށް ހައްޤު ގޮތުގައި ރުޖޫޢަ ނުވާ ބަޔަކަށް އެއިން ކުރާނެ މަންފާޢެއް ނޯންނާނެއެވެ. އޭގެ އިތުރަށް މިފަދަ ދުވަސްތައް ފާހަގަ ކުރުމަކީ މީހާ ދީނާއި ދުރައް ގެންގޮސް ޚުރާފަތާއި ބިދުޢަ ޒީނަތްތެރި ކުރުވާ ޢަމަލު ތަކެވެ. އިސްލާމްވިދުވަސް ފާހަގަކުރުން އެއީ ހިދާޔަތެއް ކަމުގައިވާނަމަ އުންމަތުގެ ސަލަފުންގެ ފަރާތުން އަހަރުމެންނަށް އެނަމޫނާ ފެނުނީސް ހެއްޔެވެ؟ ކިތައް ކިތައް ޤައުމުތަކުގެ އަހުލުވެރިން ޞަހާބީންގެ އަތް މައްޗަށް އިސްލާމްދީން ޤަބޫލުކުރި ހެއްްޔެވެ؟ އެޤައުމުތަކުގެ އަހުލުވެރިން އިސްލާމްވި ދުވަސް ފަހަގަކުރަން އެ ޞަހާބީން ނަޞޭހަތްތެރިވި ތޯއެވެ؟ ހުރިހައި ހެއްވެއްވަނީ ސަލަފުންނަށް ތަބަޢަވުމުގައެވެ. އަދި ހުރިހައި ނުބައެއް ވަނީ ފަހުން އައި މީހުންނަށް ތަބަޢަވުމުގައެވެ. މިފަދަ ދުވަސްތައް ފާހަގަ ކުރުމަކީ ޒަމާންތަކަށްފަހު ފަހުން އައި މީހުންގެ ބޮލަށް ޝައިޠޯނާ ވިސްނުވައިދިން ކަންތައް ތަކެވެ. އިސްލާމީ ނަން ޖެހިފައިވިޔަސް ހަޤީޤަތުގައި އެބައިމީހުން އެ ފާހަގަކުރަނީ އިސްލާމްދީނާއި އެއްވެސް ގުޅުމެއްވާ ދުވަހެއް ނޫނެވެ. އަދި ކިއެއް، އެއީ ޝައިޠޯނާގެ ވަސްވާހުގެ މައްޗަށް ފާހަގަ ކުރަމުންދާ ދުވަސްތަކެކެވެ."

Like what you see?

Close

Hit the buttons below to follow us, you won't regret it...