ނިއުޒިލޭންޑް މިސްކިތައް ދެވުނު ޓެރެރިސްޓް ހަމަލާގެ މައްޗަށް މަދީނާގެ ޢިލްމުވެރި ބޭފުޅުންގެ ތެރޭގައި ހިމެނިވަޑައިގަންނަވާ الشَّيخ أ.د. عَبدُ الله بن عَبد الرَّحِيم البُخَاري حفظه الله ވިދާޅުވެފައިވާ ބަސްފުޅު
الشَّيخ أ.د. عَبدُ الله بن عَبد الرَّحِيم البُخَاري حفظه الله ވިދާޅުވިއެވެ. "ނިއުޒިލޭންޑްގެ (މިސްކިތުގައި) ނަމާދު ކުރުމަށް ތިއްބައި ޤަތުލުކުރެވުނު މީސްތަކުންގެ ފާފަ ﷲ ފުއްސަވާދެއްވާނދޭވެ. އަދި ރިވެތިވެގެންވާ ޤަބޫލު ކުރެއްވުމަކުން އެ އިލާހުގެ ހަޒުރަތަށް އެބައިމީހުން ޤަބޫލު ކުރައްވާނދޭވެ. އަދި އަނިޔާ ލިބިފައިވާ މީސްތަކުންނަށް ޝިފާ ދެއްވާނދޭވެ. އަދި އެމީހުންގެ ގާތް ތިމާގެ މީހުންނަށް ކެތްތެރިކަމުގެ އިތުރުން ހިތްތަކުން ހިތާމައާއި ހިތްދަތިކަން ފިލައިގެންދާނެ ހިތްހަމަޖެހުމެއް އިލްހާމް ކޮށްދެއްވާނދޭވެ.
އެއަށްފަހު ބުނަމެވެ. ޖަރީމާގައި ފުރިހަމަވާންޖެހޭ އެހެންމެހައި ރުކުންތައް ފުރިހަމަވެފައިވާ ޖަރީމާއެއްކަމުގައި މިޖަރީމާ ވާކަން ކަށަވަރެވެ. އަދި މި ޖަރީމާ ބިނާވެގެންވަނީ ހިދާޔަތާއި، ޙައްޤު ދީން ކަމުގައިވާ އިސްލާމް ދީނުގެ މައްޗަށް ނަޞާރާއިންގެ ހިތުގައިވާ ޙަސަދަވެރިކަމާއި ރުޅިވެރިކަމުގެ މައްޗަށެވެ. ﷲ ވަޙީ ކުރައްވާފައިވެ އެވެ. وَلَن تَرْضَىٰ عَنكَ الْيَهُودُ وَلَا النَّصَارَىٰ حَتَّىٰ تَتَّبِعَ مِلَّتَهُمْ "އަދި ޔަހޫދީންވެސް، ނަޞާރާއިންވެސް އެބައިމީހުންގެ ދީނަށް އިބަނަބިއްޔާ ތަބަޢަވެވަޑައިގެންފުމަށް ދާންދެން ނަބިއްޔާއަށް ނުރުހޭނެތެވެ."
އަދި ހައިރާން ކުރުވަނިވި ކަމަކީ، އައިއެސް އައިއެސް، އަލްޤަޢިދާ ނުވަތަ އެނޫންވެސް މަގުފުރެދިފައިވާ ޚަވާރިޖުންގެ މީހަކު މިފަދަ ޢަމަލެއް ކުރާހިނދު، މުޅި ދީނަށް ތުހުމަތު ކުރެވި ނިސްބަތްކުރެވޭ ކަމެވެ. އަދި ކިޔެއްހެއްޔެވެ! އެމީހުންގެ މަގުފުރެދުމުގެ އިތުރުން އެމީހުންގެ މަންހަޖުގެ ނުބައިކަން ބަޔާންކޮށް ރައްދުދީ، ޢިލްމުވެރިން ބަޔާންތައް ނެރޭ އިރުގައިވެސް، އެންމެހައި މުސްލިމުން އެކުއެކީގައި އެ ތުހުމަތު ތަކުގައި ބައިވެރި ކުރެވޭ ކަމެވެ.
އެހެނަސް ދީނީ ޢަޤީދާގެ މައްޗަށް ބިނާކޮށް އޭނާ ހިންގި މި ޖަރީމާގައި އޭނާއާ އަދި އޭނާއެކުވީ މީސްތަކުން ފިޔަވައި އެހެންބަޔަކު ކުށްވެރިވާކަމަށް ނުވެ އެވެ. މި ޙާލަތުގައި އެންމެހައި ނަޞާރާއިން ކުށްވެރިކުރުން ކޮބައިހެއްޔެވެ؟ (ކުފުރާއި ބާޠިލްގެ އަހުލުވެރިންނަށް) ޢުޒުރުވެރިވެ އެއްބާރުލުން ދިނުމުގެ ޢަޤީދާގެ މައްޗަށް ދަޢުވަތުދޭ މީހުންގެ އިތުރުން އެބައިމީހުންގެ ބައިވެރިންނާއި އެހީތެރިންގެ ސަބަބުން ޣާފިލްވެފައިވާ މީސްތަކުން ފަހެ، ހޭއަރާހުށި ކަމެވެ. (އަދި ހޭ އެރުމަށްފަހު) އެމީހުންނަށްޓަކައި ﷲ ރުހިވޮޑިގެންނެވި ދީން ކަމުގައިވާ އިސްލާމްދީނުގެ ޢަޤީދާ އުނގެނިގަތުން ހުއްޓެވެ. މޮޅުއެތީގެ ބަދަލުގައި ދެރަ އެއްޗަކަށް އެދޭ ބައެއްކަމުގައި ނުވާހުށި ކަމެވެ."
ބަސްތައް ނަގާފައިވަނީ : https://goo.gl/2Mko9g