حركة ޙަރަކާތަކީ ފިލި ތަކެވެ. ޢަރަބި ބަހުގައި ތިން ފިއްޔެއް ވެއެވެ.

1. الحركات الثالثة | ތިން ޙަރަކާތް (ފިލި)

ضَمَّةٌ ـُ	كَسْرَةٌ ـِ	فَتْحَةٌ  ـَ
އުބުފިލި	އިބިފިލި	އަބަފިލި

 

2. التنوين | ތަންވީން

ކަލިމައެއް ނިމޭއިރު ކުރުފިލި ދެ ފިލި އެއްވުމުން އެއަށް ކިޔަނީ تنوين ތަންވީން އެވެ. ތަންވީންވެސް ތިން ގޮތަކަށް ވެއެވެ.

ضَمَّتان ـٌ	كَسْرَتان ـٍ	فَتْحَتان ـً
އުންބުންފިލި	އިންބިންފިލި	އަންބަންފިލި

އިތުރުވާ ފިލިން ރަމްޒުކޮށްދެނީ (نْ) ސުކުންވެގެންވާ ނޫނެވެ. ލިޔާއިރު نْ ނުލިޔާނެ އެވެ. އެހެނަސް ކިޔާއިރު ކިޔާނީ ސުކުންވެގެންވާ ނޫނުގެ އަނޑު ފާޅުވެގެންވާ ގޮތަށެވެ.

މިސާލަކަށް؛

ﺑَﻦْ - بً

ﺑِﻦْ - بٍ

ﺑُﻦْ - بٌ

مَسْجدُنْ - مَسْجدٌ

 

3. ޢަރަބި ބަހުގައި ފިލީގެ އިތުރުން ބޭނުން ކުރެވޭ ނިޝާންތައް

* سكون ـْ (ސުކުނަކީ އެ އަކުރެއްގެ އަޞްލު އަޑުގެ މައްޗަށް ހިމޭންވާންޖެހޭ ކަމުގެ ނިޝާނެކެވެ.)

* الشدة ـّ (ޝައްދާ ނުވަތަ ތަޝްދީދަކީ އެއަކުރެއް ޖެހިގެން އައުމުން، އަކުރުގެ އަޑު އެއްވެގެންދާކަން އަންގައިދިނުމުގެ ގޮތުން ބޭނުން ކުރެވޭ ނިޝާނެކެވެ.)

* المد ~ (މައްދަކީ ދެމޭ އަޑުގެ ނިޝާނެވެ.)